Bu ilin oktyabrında Azərbaycanda İtkin düşmüş şəxslər üzrə Bakı Dialoqu keçiriləcək.

"MemurTv.az" xəbər verir ki, bunu Əsir və itkin düşmüş, girov götürülmüş vətəndaşlarla əlaqədar Dövlət Komissiyasının üzvü, xarici işlər nazirinin müavini Elnur Məmmədov "İtkin düşmüş şəxslər məsələsinin həllində müasir yanaşmalar və əməkdaşlığın gücləndirilməsi" mövzusunda keçirilən beynəlxalq konfransda deyib.

Onun sözlərinə görə, 2002-ci ildən bəri hər iki ildən bir BMT Baş Assambleyasında Azərbaycanın təşəbbüsü ilə itkin düşmüş şəxslərə dair qətnamələr sürülür və konsensusla qəbul edilir:

"Azərbaycanın təşəbbüsü ilə formalaşmış İtkin düşmüş şəxslər üzrə Bakı Dialoqu da beynəlxalq ictimaiyyətin bu humanitar faciəyə diqqətinin artırılmasına xidmət edən mühüm platformaya çevrilib. Bakı Dialoqu çərçivəsində növbəti beynəlxalq konfrans bu il oktyabrın 7-10-da keçiriləcək".