Seneqalın dövlət qulluğu, əmək və dövlət xidmətinin islahatı naziri Mamadou Lamine Diantenin rəhbərlik etdiyi nümayəndə heyəti "ASAN xidmət" mərkəzinin fəaliyyəti ilə tanış olub.

Bu barədə "MemurTv.az"a Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyindən məlumat verilib.

Bildirilib ki, Agentliyin sədri Ülvi Mehdiyev qonağa Prezident İlham Əliyevin təşəbbüsü əsasında yaradılmış "ASAN xidmət" mərkəzləri və burada tətbiq olunan innovasiyalar barədə ətraflı məlumat verib.

Görüş zamanı 2025-ci ilin iyunun 3-də tərəflər arasında imzalanmış Anlaşma Memorandumunun implementasiyası çərçivəsində görülmüş işlər və nəzərdə tutulan fəaliyyətlərə dair müzakirələr aparılıb.

Seneqal tərəfi qısa müddət ərzində ölkələrində "ASAN xidmət" modeli əsasında dövlət xidmətləri mərkəzlərinin qurulacağını ifadə edib.